Рубио: Наскоро ќе знаеме дали Русија сака мир
Американскиот државен секретар Марко Рубио денеска во Брисел изјави дека за неколку недели ќе се знае дали Русија сака мир во Украина или не.
По дводневниот состанок на министрите за надворешни работи на членките на НАТО, Рубио изјави пред новинарите дека американскиот претседател Доналд Трамп „нема да падне во замката на бескрајните преговори заради преговори“.
Рубио додаде дека Украина изразила подготвеност за целосен прекин на огнот со цел да се создаде „простор за преговори“, пренесуваат француските медиуми.
-Ќе знаеме многу брзо – за неколку недели, а не за неколку месеци, дали Русија е сериозна за мир или не, рече Руте.
Шефот на американската дипломатија рече и дека Кирил Дмитриев, специјалниот пратеник на рускиот претседател Владимир Путин, ќе дојде во САД оваа недела, што ќе биде прва посета на висок руски функционер на Вашингтон од почетокот на руската офанзива против Украина во февруари 2022 година.
- Тие ќе се вратат (во Русија) со пораки. А пораката е дека САД треба да знаат дали сте сериозни или не за мирот, додаде Рубио.
Рубио денеска изјави и дека САД нема да дозволат Гренланд, најголемиот остров во светот што и припаѓа на Данска, да стане зависен од Кина.
- Нема да дозволиме Кина да влезе и да им понуди многу пари за да станат зависни од неа, рече Рубио за данската автономна територија што Трамп сака да ја припои.
Тој се осврна и на посетата на американскиот потпретседател Џеј-Ди Венс на Гренланд на крајот на март, што предизвика остри реакции од Данска.
-Потпретседателот Венс јасно стави до знаење дека ќе го почитува правото на Гренланѓаните на самоопределување. Во еден момент Гренланѓаните јасно ставија до знаење дека сакаат да бидат независни од Данска. Затоа Данска треба да се фокусира на фактот дека Гренланѓаните не сакаат да бидат дел од Данска, рече Рубио.
Ново на Сител
-
Минатата недела казнети 114 возачи кои непрописно ги паркирале возилата во општина Центар
-
Како телото „кажува“ дека има недостаток на витамин Ц?
-
Без струја ќе останат дел од корисниците во општините Кисела Вода и Ѓорче Петров
-
Сиљановска-Давкова: Имаме должност да го сакаме, чуваме, развиваме и промовираме македонскиот јазик
-
Штрајк на Медицинскиот факултет во Белград, тензично пред Медицински во Ниш
-
Десет мртви и 70 повредени откако невреме преврте туристички чамци во Кина
-
Лидерот на турската опозиција, Озгур Озел, нападнат од поранешен затвореник кој ги убил своите две деца | ВИДЕО
-
Трамп: Нема да ги укинам царините за Кина за да го доведам Пекинг на преговарачка маса