Романците вечерва ќе излезат на протести и контрапротести
Романците седми ден по ред излегуваат на протести, откако синоќа над 600.000 лица протестираа во целата земја, поддржани од нивните сонародници во странство, иако романската Влада ја поништи контроверзната одлука што од почеток предизвика незадоволство, пишува сајтот „Зиаре“.
Денешните протести најрано започнаа во дијаспората, откако Романци се собраа пред зградата на Европската комисија во Брисел и скандираа „Драгнеа не заборавај, Романија не е твоја“, мислејќи на лидерот на владејачката Социјалдемократска партија (ПСД) Ливиу Драгнеа.
Околу 5.000 лица излегоа вечерва на антивладиниот протест на Плоштадот на победата.
Истовремено пред претседателскиот дворец „Котрочени“ се одржуваат контрапротести во поддршка на Владата на премиерот Сорин Гриндеану со барање на оставка на претседателот Клаус Јоханис.
Околу 2.000 луѓе скандираа „Ја поддржуваме владата!“ и „Почитувајте го гласањето на Романците!“.
Премиерот Гриндеану денеска уште еднаш ја отфрли можноста да поднесе оставка, со напомена, дека неговата Влада е резултат на мнозинство составено по изборите на 11 декември.
Ново на Сител
-
На преговорите во Каиро поканета и израелска делегација
-
Недовршен портрет од Густав Климт, продаден за 30 милиони евра
-
ПМФЛ: Неочекуван пораз на Струга
-
Манчестер јунајтед подготвен да потроши 80 милиони евра за Араухо
-
Партиите бараат од граѓаните масовно да излезат на гласање на 8 мај, ВМРО-ДПМНЕ се изјасни дека би формирала влада со Вреди
-
Комисијата за осигурување од автомобилска одговорност ќе одлучува за поскапувањето на полисата
-
Учениците на пролетен распуст, наставата ќе продолжи на 7 мај
-
Блинкен во посета на Саудиска Арабија, Јордан и Израел