Ристовски на Светски образовен форум во Лондон
Заменик министерот за образование и наука Спиро Ристовски учествува на тридневниот Светски образовен форум 2016, кој се одржува во Лондон, Велика Британија.
Светскиот образовен форум е најголемиот интернационален собир на министри за образование, на кој се дебатира за глобалните образовни предизвици, креирањето на политиките за справување со предизвиците и се разменуваат позитивни практики и искуства во областа.
Како што соопшти МОН, заменик министерот Ристовски оствари неколку билатерални средби во насока на интензивирање на соработката на Република Македонија со дел од другите земји учеснички.
Ристовски се сретна и со Мајкл О’Саливан, генералниот директор на Меѓународниот центар за наставни програми во состав на Универзитетот Кембриџ, институција со која Владата на Република Македонија реализира договор за имплементација на наставните програми и учебници на Кембриџ по математика и природни науки на национално ниво.
На средбата, како што е наведено во соопштението, се дискутираше за досегашниот тек од процес на реформирање на основното образование, како и за активности кои претстојат во таа насока.
Дополнително, работен состанок Ристовски одржа и со Џејн Мен од издавачката куќа на Универзитетот Кембриџ.
Форумот е организиран со поддршка на британските министерства за образование, економија и меѓународна соработка, Британскиот совет и бројни други партнерски институции.
Ново на Сител
-
Црвениот крст на РСМ ги повикува македонските граѓани да донираат средства за настраданите во БиХ
-
Нормализиран сообраќајот на патот Струмица - Валандово
-
Премиерот Мицкоски ќе присуствува на официјалното отпочнување на надградба и реконструкција на граничниот премин Деве Баир
-
Утре литургија во соборниот храм ,,Св. Климент Охридски” по повод 25 годишнината од востоличувањето на г.г. Стефан
-
Најмногу дожд наврнат во Пожаране и Лазарополе
-
ЦУК: 2 028 повици изминатото деноноќие, три пожари на отворено
-
Приоритет на Владата е поддршка на македонското земјоделство: Историски највисока цена за грозјето, исплатени заостанати плати и субвенции
-
Поради сообраќајка во прекин сообраќајот на патот Струмица - Валандово