ОН: Речиси половина милион Сиријци се вратиле во родните места оваа година
Речиси половина милион Сиријци се вратиле во своите родни места од почетокот на годината, вклучувајќи над 440.000 раселени во самата Сирија и повеќе од 31.000, кои избегале во соседните држави, соопшти денеска Високиот комесаријат за бегалци на ОН.
Според податоците на УНХЦР, повеќето луѓе се вратиле во Алепо, Хама, Хомс и Дамаск, пренесува ДПА.
- Ова е значаен тренд и значителен бро", рече портпаролот на Комесаријатот Андреј Махечич.
Според него, повеќето луѓе се враќаат за да го проверат својот имот и да ги побараат своите роднини. Во некои случаи, бегалците се враќаат поради подобрување на безбедноста или чувство за такво подобрување.
- Високиот комесар смета дека се уште не постојат услови за безбедно и достојно враќање на бегалците во Сирија, иако тековните напори на ОН да посредува за постигнување мир даваат извесна надеж, рече портпаролот.
Според него, не е сигурно дали ќе продолжи намалувањето на насилството во областите во кои се враќаат луѓето. Тие имаат тешкотии во секојдневниот живот, соочени се со недостиг на храна, недостиг на јавни услуги и уништени училишта.
Сегашниот тренд на враќање е мал во споредба со бројот на лицата кои си заминале..
Околу 6,3 милиони луѓе се раселени во Сирија, пет милиони во соседните земји и Северна Африка, а скоро 900.000 аплицираат за азил во Европа.
Ново на Сител
-
Колку пациенти добиле пролонгирање на хируршка интервенција?
-
Надоместок од 3000 денари за несовесните граѓани кои ги оштетуваат рампите
-
Преглед на вестите од светот
-
Teма на денот со д-р Марјан Шокаровски, Државна Кардиохирургија
-
Почна полагањето на државна матура, првпат во ходници и сали
-
Премиерот и 6 министри седат на две столчиња
-
Почна полагањето на државна матура, првпат во ходници и сали
-
Алармантно предупредување во скопските училишта: Постои тренд на самоповредување кај учениците