Реакција на „Анима мунди“ за приведувањето на момчето кое шеташе куче во полициски час
Здружението за заштита на животни „Анима мунди“ реагира на приведувањето на момчето кое вчера, за време на полицискиот час, излегло да го прошета кучето.
-Ние во ова гледаме демонстрирање сила и изживување врз тинејџер и неговиот миленик за што бараме итно идентификување на службените лица и нивно казнување. Во време кога луѓе по улици протестираат или ора играат и поминуваат неказнето, вака ли изгледа професионалноста на нашата полиција и сразмерната примена на мерки согласно полициските ингеренции во време на вонредна состојба, наведува „Анима мунди“ во реакцијата.
Во текот на вчерашниот ден на социјалните мрежи се споделуваше видео на кое се забележуваат неколку полициски службеници како преземаат мерки за лишување од слобода на лице затекнато надвор од својот дом со миленик за време на ограничувањето на движењето. Вечерта, министерот за внатрешни работи Наќе Чулев на својот фејсбук профил објави дека конкретниот случај е евидентиран, како и дека се преземаат мерки за утврдување на законитоста на постапувањето на полициските службеници. За исходот од проверките, напиша, јавноста ќе биде известена денеска.
Ново на Сител
-
Тема на денот со претседателката Гордана Сиљановска Давкова
-
Бугарскиот амбасадор одби да ја прими протестната нота од МНР, за Сител вели не бил прекршен ниту еден протокол
-
Протестна нота за бугарскиот амбасадор, за МНР потегот е несоодветен и неевропски
-
Радуков со позициите на Радев во МНР, одбил да ја прими протестната нота
-
Комитетот почна со истрага во М-НАВ, за неколку дена се очекува првичниот извештај
-
Уставен суд пред конечна одлука, дали да застарува извршувањето на долговите
-
Есенската кошница ќе се носи следната недела
-
Матични лекари не пропишуваат од новите лекови на Позитивната листа поради технички проблеми