Реакции поради пресудата за Марин Ле Пен
Политичари и партиски претставници од неколку европски земји ја осудија одлуката на Францускиот суд со која Марин Ле Пен од десничарската француска партија Национален собир е осудена на четири години затвор поради проневера на средства од европски фондови.
Според одлуката, две од вкупно четирите години затвор ќе бидат условна казна. Судот пресуди и дека Ле Пен треба да добие петгодишна забрана за вршење јавна функција и треба да плати парична казна од 100.000 евра.
Адвокатот на Ле Пен соопшти дека таа ќе поднесе жалба на пресудата.
„Јас сум Марин“, напиша нејзиниот унгарски сојузник, премиерот Виктор Орбан на мрежата Икс. Орбан верува дека таа им се придружува на редовите на „патриотите“ кои се жртви на прогон, како што се Доналд Трамп и италијанскиот вицепремиер Матео Салвини.
Салвини, кој исто така мора да се справи со судовите во неговата земја, ја повика Марин Ле Пен да не дозволи да биде заплашена.
„Луѓето кои се плашат од одлуката на гласачите често се смируваат со одлуката на судовите. Во Париз ја осудија Марин Ле Пен и сакаат да ја исклучат од политичкиот живот – грозен филм што го гледаме и во други земји, како Романија. Одлуката против Марин Ле Пен е објава на војна од страна на Брисел, во време кога воинствените импулси на Фон дер Лајен и Макрон се застрашувачки. Нема да се уплашиме, нема да застанеме!“, рече Салвини.
Лидерот на шпанската партија Вокс, Сантијаго Абаскал рече „нема да успеат да го замолчат гласот на францускиот народ“.
Тој ја покани Ле Пен во Мадрид во февруари, заедно со Орбан и другите лидери на групата Патриоти за Европа во Европскиот парламент, охрабрени од враќањето на Доналд Трамп во Белата куќа.
Во Холандија, лидерот на екстремната десница Герт Вилдерс рече дека е „шокиран“ од пресудата, која ја нарече „незамисливо сурова“.
„Уверен сум дека таа ќе победи во жалбената постапка и ќе стане претседател на Франција“, напиша тој на мрежата Икс.
Ново на Сител
-
Акциска контрола на СВР Скопје и Државниот инспекторат за транспорт, изречени 38 санкции
-
Биди храбар, успехот ќе се случи | Филип Поповски | Личен развој | Sitel Podcast 091
-
Определени мерки за претпазливост за шест од вкупно седум полициски службеници осомничени за пожарот во Кочани
-
Избрана е новата Влада на Србија, Ѓуро Мацут - нов премиер
-
Обвинителство: Се прибираат докази во истрагата за пожарот во „Пулс“, издадени наредби за вештачење на над 70 мобилни телефони и 30-тина компјутери
-
Шестмина полициски службеници за кои се бараат мерки за претпазливост во врска со пожарот во Кочани изведени пред судија на претходна постапка
-
Четворица осомничени за тешки кражби од објект на ЈП МЖ Инфраструктура – Скопје
-
Манифестација „Шарено велигденско јајце“ во штипскиот Центар за култура