Раст на продажбата на автомобили во Германија
Продажбата на нови возила во Германија два месеци по ред бележи зголемување и покрај скандалот со користењето на незаконски софтвер за прикривање на нивото на загадување во автомобилите на најголемиот германски автопроизводител „Фолксваген“, јави дописникот на МИА од Берлин.
Според германската Асоцијација на производители на автомобили (ВДА), минатиот месец во Германија биле регистрирани 214.400 нови возила, што претставѕва раст на продажбата на годишно ниво за три отсто.
Ваквиот раст е помал во споредба на декември 2015 година, кога продажбата на нови возила беше зголемена за осум проценти споредено со истиот месец претходната година.
Во исто време, производството на возила во Германија се намалило за два отсто, додека извозот на нови возила забележал пад од шест проценти.
Германија со околу три милиони нови возила годишно е рекордер по продажбата во Европа. Во земјата во моментов се возат околу 63 милиони возила, од кои околу 45 милиони се патнички.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата