Рама: Во понеделник патуваме за Брисел да го започнеме новиот пат
Албанскиот премиер Еди Рама со реакција по одобрувањето на францускиот предлог во Собранието на Северна Македонија, велејќи дека конечно повеќе „нема никаква пречка за преговорите за членство на Албанија во ЕУ“.
– Конечно! Преговорите за членство на Албанија во Европската Унија веќе немаат никакви пречки! Собранието на Северна Македонија штотуку даде зелено светло за последниот француски предлог. Апсурдното заложништво на Албанија заврши, напиша Рама во подолга објава на „Фејсбук“.
Додава дека „беа потребни три исцрпувачки години од донесувањето на одлуките на Европскиот совет за да се отвори патот за преговори, така што синџирот на вештачки пречки поставени пред Албанија е целосно израмнет“.
Меѓудругото заблагодарувајќи им се на стратешките сојузници, Рама нагласува дека „албанската делегација ќе замине во понеделник во Брисел за да го започне овој нов дел од патот, почнувајќи ги преговорите за членство“.
– Ќе успееме и во овој нов дел од напорите, со поблиско поврзување со Албанците и насочување со нови сили на врвот каде што ќе ја воздигнеме Албанија, напиша меѓудругото Рама.
На објавата на која постира фотографија со поранешната германска канцеларка Ангела Меркел, тој посебна благодарност упати и до сопругата Линда и децата за поддршката.
Ново на Сител
-
ЦУК: Прв координативен состанок за справување со змии
-
ДЗР ги објави конечните ревизорски извештаи за СДСМ, ВМРО-ДПМНЕ, ДУИ и Алтернатива
-
Претрес во Тетово, приведен дилер
-
Штети во Свети Николе и Неготино поради невреме, четири пожари на отворено, известува ЦУК
-
Израел планира да ја користи сателитската интернет услуга Старлинк во случај на конфликт со Хезболах
-
Министерот Муцунски ја продолжува посетата на Брисел со средби со претставници на ЕУ
-
Промоција на нов електронски дневник за работа на училиштата
-
ХРТ: Се е подготвено за воведување задолжителен воен рок