Рама: Ако Бугарија продолжи со ветото, Албанија ќе бара одвојување од Северна Македонија на патот кон ЕУ
Албанскиот премиер Еди Рама, на денешната предновогодишна средба со новинарите, рече дека процесот на европска интеграција е јасен и оти „Албанија е во апсурдна фаза на блокирање поради ветото наметнато од Бугарија врз Северна Македонија“.
Тој додаде дека Тирана нема намера до недоглед да зависи од волјата на Софија и најави дека ќе бара одвојување на Албанија од Северна Македонија на патот кон ЕУ, ако на крајот на француското претседателство, односно по првите шест месеци од следната година, Бугарија остане на ветото.
„Доколку Бугарија продолжи да става вето, отворено ќе побараме одвојување од Северна Македонија. Во меѓувреме, она што е важно е дека нашите бодови во оценките во однос на овој процес се зголемуваат и две важни компоненти во зголемувањето на бодовите се чекорите што почна да ги презема правосудниот систем“, рече Рама.
Тој посочи дека Специјалното јавно обвинителство (СПАК) го положи испитот, покажувајќи дека не е политички обвинител ниту на левицата ниту на десницата, туку е специјално обвинителство за борба против криминалот во Албанија.
Рама нагласи дека заедничките операции се подигнати на ново ниво, каде што СПАК има посебна улога.
„Сакам да ги охрабрам обвинителите на СПАК да не гледаат ниту лево ниту десно. Кога ја почнавме реформата во правосудството, многу луѓе во нас не веруваа дека ќе успееме“, оцени албанскиот премиер.
Тој уште еднаш посочи дека никој што има проблеми со правдата не може да се крие зад логото на неговата, владејачка, Социјалистичката партија.
Ново на Сител
-
Си пред посетата на Србија го критикуваше НАТО за бомбардирањето на Белград во 1999 година
-
ЕУ одобри шест милијарди евра за Балканот, Рама: Историски момент, кој внесува нов импулс во процесот на проширување
-
Девизните резерви во април зголемени за 41,9 милиони евра
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња