Ракиќ: Српска листа нема да учествува во консултации за конститутивната седница на косовското собрание
„Српска листа“ нема да оди на консултации за датумот за оддржување на конститутивната седница на косовското собрание, денеска изјави претседателот на „Српска листа“, Горан Ракиќ.
-Како претседател на „Српска листа“ се заблагодарувам на поканата за консултации за датумот за одддржување на конститутивната седница на Собранието и можам да кажам дека „Српска листа“ нема да оди на тој состанок. Пратениците на „Српска листа“ ќе се појават на поканата за верификација на мандатите во согласност со законот, но не сакаме српските пратеници и српскиот народ да бидат меѓу чеканот и наковалната, соопшти Ракиќ.
Претседателот на „Српска листа“ истакна дека, откако ќе биде познато името на мандатарот, ќе се извршат консултации со Белград и ќе се донесе одлука за евентуални коалиции.
-Подготвени сме за разговори бидејќи дијалогот нема алтернатива, но подготвени сме и да ги вкрстиме политичките копја за да ја продолжиме политиката на мир, што ја почна претседателот Александар Вучиќ. Нас не не интересираат функции и бројот на министерски места, туку подобриот живот за Србите на Косово, наведе Ракиќ.
Ново на Сител
-
Уапсени директори на супермаркети во Мјанмар поради тоа што продавале ориз по многу високи цени
-
МВР: Чекањето на ГП Табановце за влез и излез од државата е поради прогласеното црвено ниво на безбедносен ризик од тероризам во Србија
-
Дел од српската опозиција за „Данас“: Владата ја направи безбедноста фарса
-
Венко Филипче избран за нов претседател на СДСМ, реакции од другите двајца кандидати | ВИДЕО
-
Активни пожари во струмичко и прилепско
-
Од денеска струјата по нова, минимално зголемена цена
-
Српски полицајци во заеднички патроли со црногорски колеги на приморјето
-
Осумнаесет израелски војници ранети во напад на дрон извршен од Хезболах