Путин ја продолжи забраната за увоз на храна од ЕУ до 2020 година
Рускиот претседател Владимир Путин денеска потпиша указ со кој се продолжува забраната за увоз на храна од Европската Унија до крајот на 2020 година. Русија воведе ембарго врз широк спектар на увозни стоки од ЕУ и други земји во 2014 година како одговор на меѓународните санкции наметнати поради нејзината улога во украинската криза. На руската Влада и е наложено да гарантира спроведување на мерките од тој указ и по потреба да поднесе предлог за изменување на рокот на важење на наведените контра-санкции. Во март 2014 година во врска со ситуацијата во Украина, ЕУ и голем број земји, меѓу кои САД, Канада, Австралија, Јапонија, Швајцарија, Нов Зеланд и Исланд, почнаа да воведуваат санкции против Русија. Тие објавија списоци на руски физички и правни лица против кои беа изречени санкциите. На 6 август 2014 година Путин потпиша указ „За спроведување на одделни специјални економски мерки со цел да се гарантира безбедноста на Руската Федерација”. Следниот ден руската Влада воведе забрана за увоз на бројни намирници од САД, ЕУ, Норвешка, Австралија и Канада. Откако на 22 јуни 2015 година земјите од ЕУ ги продолжија санкциите против Русија, на 24 јуни Путин со указ го продолжи дејството на ембаргото за уште една година. Потоа се продолжи двапати, последен пат на 12 јули 2018 – до крајот на 2019 година.
Ново на Сител
-
Си пред посетата на Србија го критикуваше НАТО за бомбардирањето на Белград во 1999 година
-
ЕУ одобри шест милијарди евра за Балканот, Рама: Историски момент, кој внесува нов импулс во процесот на проширување
-
Девизните резерви во април зголемени за 41,9 милиони евра
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња