Протест на лиценцираните таксисти од Кочани против нелегалните такси превозници
Лиценцираните такси возачи од Кочани со своите возила блокираа дел од улиците во градот во знак на протест против, како што рекоа, бавното решавање на состојбата со нелегалните такси превозници во општината.
Тие го изразија незадоволството од огромниот пораст на бројот на такси возачи без лиценци и други дозволи, кои превезуваат патници без да користат таксиметри.
-Со мирниот протест сакаме да дадеме поддршка на надлежните инспекторски служби во општината да продолжат со контролата на нелегалните таксисти, слично како што тоа го правеа во текот на летниот период. Во моментот се соочуваме со хаос во такси превозот иако ги имаме добиено сите дозволи да ја вршиме услугата и ги почитуваме одредбите за цената, односно возиме со таксиметри и издаваме фискални сметки. Од друга страна, има голем број таксисти кои возат на диво и ни прават нелојална конкуренција со тоа што наплаќаат паушално, а притоа не ги подмируваат давачките кон институциите, рече Јоце Каров, претседател на Зздружението на лиценцирани таксисти од Кочани.
Таксистите кои протестираа нагласија дека во моментот во Кочани има околу 170 такси возила, од кои само четириесетина се лиценцирани. За сите останати тие имаат евиденција на регистерските таблички и на моделите на возилата, а подготвени се документацијата да ја достават до надлежните служби како поддршка во решавањето на состојбата.
Ново на Сител
-
22 годишник уценувал девојка, ако не му исплати пари дека ќе објави компромитирачки фотографии и видеа
-
Мицкоски - Агелер: Зајакнување на билатералните односи и интензивирање на соработката
-
Избоден маж пред обложувалница во Охрид
-
Назначени нови директори на ЈСП, ЈП Паркови и зеленило и ЈП Улици и патишта
-
Во Германија една четвртина од вработените сè уште работат од дома
-
Тошковски: Справувањето со илегалната миграција и останатите форми на прекуграничен криминал се еден од нашите главни приоритети
-
Мицкоски: Граѓаните да бидат спокојни зголемување на цената на електричната енергија нема да има
-
Повредени тројца од екипата на Итна помош откако беа заглавени во лифт во Кисела Вода што паднал во подрум