Промоција на книга од академик Нада Поп-Јорданова
Во Паркот на книгите вечер од 19 часот ќе биде промовирана најновата книга од академик Нада Поп-Јорданова „Пораки за животот, здравјето, проблемите...“.
Како што објави издавачот „Матица“, авторката во ова дело отвора многу прашања актуелни за современото живеење и воедно дава едноставни, конкретни и концизни одговори.
- Како да ја развиеме емоционалната интелигенција кај младите, дали перфекционизмот е болест, за синдромот на недостиг на внимание, за семејното функционирање, за несоницата на нашето време, дали стравот е само одбрана или..., како да го подобриме емоционалното здравје.... Книгата е наменета за децата и младите, за возрасните и за старите, соопшти „Матица“.
Академик Нада Поп-Јорданова работниот век го помина како професор по медицина, медицинска психологија и етика, невропсихологија и развојна психологија на Клиниката за детски болести во Скопје.
Автор е на тринаесет книги од областа на медицината, како и на бројни статии објавени на повеќе странски јазици. Член е на Светската, Европската и на Њујоршката академија за наука, а за редовен член на МАНУ е избрана во 2012 година. За својата долгогодишна педагошка и научна дејност добитник е на национални и меѓународни признанија.
Книгата „Пораки“ ќе ја промовира академик Катица Ќулафкова.
Ново на Сител
-
Чистка на Тошковски во МВР: Разрешени сите командири и началници во Штип и Кочани
-
Инспекцијата влезе во Општина Кочани, бројот на притворени расте
-
Тема на денот со Љупчо Коцевски, Државен јавен обвинител
-
22 објекти имаат важечки лиценци во цела држава, утврдиле пазарните инспектори
-
Мирен собир во Струмица
-
Мирен собир на Градскиот плоштад во Скопје
-
Мирен собир во Кочани
-
Инспекцијата влезе во Општина Кочани, расте бројот на притворени