Продолжен рокот за субвенции во земјоделството до 30 јуни
Рокот за поднесување барања за субвенции се продолжува за еден месец односно наместо до 31 мај, апликациите ќе може да се поднесуваат до 30 јуни.
Од Агенцијата за финансиска поддршка во земјоделството и руралниот развој денеска соопштија дека продолжувањето на рокот е по барање на земјоделците со цел да им се овозможи да го искористат правото за поднесување на барања за финансиска поддршка за мерките од годинашната Програма за директни плаќања.
Земјоделците ќе можат да ги поднесуваат барањата по Програмата за финансиска поддршка во земјоделството за 2019 година, односно за директни плаќања за растително производство и тоа за површини со поледелски и градинарски култури, лозови и овошни насади, како и за сточарско производство поточно за одгледување говеда, овци, кози, пчели, свињи и за заклани животни во кланица.
Барањата се поднесуваат по електронски пат, а оние баратели кои имаат потреба од помош при пополнување на електронското барање, ќе може да се обратат до подрачните единици на Министерството за земјоделство, шумарство и водостопанство.
– Барањата за мерките од растителното производство се поднесуваат врз основа на евидентирани податоци за парцели во Единствениот регистар на земјоделски стопанства и Системот за идентификација на земјишни парцели со состојба на 15- ти март 2019 година. Барањата за мерките од сточарското производство за говеда, овци, кози и пчели се поднесуваат врз основа на евидентирани податоци за животни во Регистарот за идентификација и регистрација на домашни животни со состојба на денот на поднесување на барањето, појаснуваат од АФПЗРР.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот