Привршува судскиот процес против Мерко за набавката на автомобил „Ауди А6“
Со исказ на поранешна вработена во Државниот завод за ревизија и членови на Комисијата за јавни набавки при Општина Струга заврши сослушувањето сведоци во судскиот процес против градоначалникот Рамис Мерко за набавката на автомобилот „Ауди А6“. На следното рочиште закажано за 9 јуни во Основниот суд во Струга, обвинетиот треба да ја даде својата одбрана, по што ќе следат завршни зборови на бранителот, јавниот обвинител и изрекување пресуда.
- На денешното рочиште ги исцрпивме вербалните докази кои судот ги прифати, а се изведоа и материјалните докази. Сега останува да се види целокупната документација, да им се даде можност на одбраната и обвинението да ги спремаат своите завршни зборови и на наредното рочиште веќе предметот да се заврши, изјави судечкиот судија Јордан Јованов, најавувајќи завршница на случајот во текот на јуни годинава.
Пензионираната Лилјана Стојанова, тогаш вработена во Државниот завод за ревизија појасни дека во услови на блокирана сметка претседателот на Основниот суд издал решение за најнеопходните трошоци и функционирање на Општината. Во ноември 2017 година, како што додаде, била направена промена на тоа решение и бил одобрен месечен лимит на Општината од над 50 милиони денари, што значи дека за 12 месеци вкупниот буџет би бил 605 милиони, што го надминува редовниот годишен буџет.
Во својство на сведоци се појавија и претседателот на Комисијата за јавни набавки при Општина Струга Алија Ајдиновски и Ерканда Баута заменик член. Според нив, постапката за набавка на четирите возила меѓу кои и „Аудито“ била спроведена согласно Законот за јавни набавки, по донесена одлука на Советот на Општина Струга за обезбедување средства во буџетот за таа намена. Ајдиновски посочи дека на тендерот имало две понуди и оти била избрана најповолната.
Баута пак, која била член и на Комисија за продажба на старите општински возила, кој според неа, не биле функционални, посочувајќи дека Општината имала потреба од нови автомобили и оти и претходниот возен парк се состоел од скапи возила.
Одбраната на Мерко смета дека во конкретниот случај не постои ниту еден доказ кој упатува на било каква неправилност при набавката на автомобилот „Ауди А6“.
Сведоците, кои претходно имале одредени изговори за недоаѓање на рочишта, денеска во Струшкиот суд беа спроведени со полиција по дадена наредба на судијата.
Во Судот во Струга денеска треба да продолжи расправата за поставеното спомен – плоча на влезот на општинската зграда, кое е во постапка на изведување вербални докази на обвинение.
Ново на Сител
-
Ен-Би-СИ: Жештината е тивок убиец, поголем од поплавите, ураганите, торнадата
-
Трамп го отфрли тврдењето на Нетанјаху дека нема глад во Газа
-
Уапсен србин кај Ѓавато, не застанал на знак на полицијата, па потоа го оставил автомобилот и пробал да побегне
-
ЦУК: 20 пожари на отворен простор, десет активни, пет ставени под контрола и пет изгаснати
-
Чешка и Словенија испраќаат помош за справување со пожарите во Северна Македонија
-
За еден ден ќе почне првичната селекција на лицата кои треба да бидат ангажирани како пожарникари
-
Трамп ѝ даде на Русија нов рок од 10-12 дена за завршување на војната во Украина
-
Скопјанецот Зоран Настевски совлада “бомбаш самоубиец“ на лет од Лутон кон Глазгов | ВИДЕО