Приведен дебранец поради агресивно однесување кон полициски службеници
Полициски службеници во Дебар привеле жител на градот поради агресивно однесување кон нив, а дополнително кај него пронашле и ладно оружје.
-Денеска во 01:10 часот полициски службеници од Одделението за внатрешни работи во Дебар го приведоа Ј.К.(35) од Дебар кој, агресивно се однесувал кон полициски службеници кои вршеле службени дејствија. При извршен преглед, кај него бил пронајден и одземен нож, информираше Стефан Димоски, портпарол на Секторот за внатрешни работи-Охрид.
Додаде дека по документирање на случајот, против Ј.К. ќе биде поднесена соодветна пријава.
Ова е прв случај годинава на агресивно однесување кон полициските службеници. Минатата година регистрирани сè повеќе случаи на агресивно однесување или физички напад врз полициски службеници при вршење службени дејствија.
Ново на Сител
-
Психолошка помош им е потреба на голем број граѓани, особено на семејствата кои ги изгубија најблиските
-
Преглед на вестите од светот
-
Приведени тројца градоначалници на Кочани
-
Зајакнати тимови од психолози и психијатри во Кочани, МОН препорачува да се работи со децата
-
Тема на денот со Сашо Клековски, директор на ФЗОМ
-
Уапсен градоначалникот на Кочани
-
Последен поздрав за жртвите
-
Во стабилна состојба повредените од пожарот во Кочани