Пријави за четири физички и едно правно лице за легализација на дивоградба во Општина Маврово Ростуше
Надворешната канцеларија за криминалистички работи Гостивар поднесе кривична пријава против И.Х.(38) од село Требиште, Џ.Ќ.(58) од Скопје и М.М.(53) од село Скудриње, поради постоење основи на сомнение за сторено кривично дело „злоупотреба на службената положба и овластување“, против И.С.(56) од Гостивар, сопственик и управител на друштво за архитектонски геодетски и инженерски активности од Гостивар, поради постоење основи на сомнение за сторени кривични дела „несовесно работење во служба“ и „фалсификување исправа“ и против правно лице, поради постоење основи на сомнение за кривично дело „фалсификување исправа“, соопшти Министерството за внатрешни работи.
Како што се наведува во попладневниот билтен на МВР, на 10 јуни 2013 година, пријавените И.Х., Џ.Ќ. и М.М., вработени во Одделението за урбанизам при општина Маврово и Ростуше, во службените простории на Одделението за урбанизам при општина Маврово и Ростуше потпишале решение со кое легализирале бесправно изграден објект кој не ги исполнувал основните елементи и функционална целина, иако го имале на увид записникот за извршен увид составен од страна на комисија на Одделението, во кој било констатирано дека објектот не ги исполнува основните услови за легализација.
-Четвртопријавениот И.С., на 09.01.2013 изработил и пуштил во употреба геодетски елаборат за легализација на бесправно изграден објект за катастарска општина Ниќифорово, во кој навел дека објектот бил деловен простор, по што елаборатот бил употребен во управна постапка како вистински во Одделот за урбанизам при општина Маврово и Ростуше и во Агенција за катастар и недвижности Гостивар за запишување на недвижности кои останале со незапишани права, се посочува во соопштението на МВР.
Ново на Сител
-
Несими останува тетовски муфтија
-
Врховната Рада на Украина усвои закон за воена служба по договор за странци
-
ЛШ: Интер без Димарко и Арнаутовиќ против Манчестер Сити
-
Хезболах го обвинува Израел за експлозиите во Либан, расте бројот на загинати
-
Функционерските таблички во различна боја
-
Осум загинати, 2.750 повредени по експлозиите на пејџери низ Либан
-
Османи: Барањата на Вучиќ не треба да се сфатат сериозно, тој не сака Србите да се вратат во косовските институции
-
Петковиќ: Бислими одби трилатерална средба во Брисел