Претседателот на Светска банка поднесе оставка
Претседателот на Светската банка, Џим Јонг Ким, неочекувано поднесе оставка, откако шест години беше на чело на водечкиот глобален заемодавач.
Американецот Ким ќе се повлече на 1 февруари, неколку години пред официјално да заврши неговиот мандат.
Ким е лекар и антрополог, кој претходно водеше проекти за борба против туберкулоза и СИДА во некои од најсиромашните нации во светот. Тој беше прв претседател на банката со директно искуство во борбата против сиромаштијата и прв кој нема искуство во областа на политиката или финансиите.
Како шеф на Светската банка, тој ја поттикна институцијата да стори повеќе за да ја елиминира екстремната сиромаштија. Во неговата оставка Ким истакна дека работи на изнаоѓање иновативни начини за финансирање на борбата против пандемијата и за да им помогне на луѓето раселени од климатските промени. Тој, исто така, рече дека работел со Обединетите нации и водечки технолошки компании за откривање и спречување на гладот.
Извршната директорка на Светската банка Кристалина Георгиева ќе биде привремен претседател на банката. Таа е бугарска државјанка со искуство во областа на финансиите и меѓународниот развој.
Ново на Сител
-
Штипјанка пронашла делови од човечко тело за кои претпоставува дека се на нејзината мајка
-
Почина маж по пад од дрво, приведена неговата невенчана сопруга
-
АА: Братството со Србија го откри вистинското лице на оваа Влада
-
Ердоган: Нетанјаху ќе биде запрен како Хитлер
-
Царинската управа ќе работи на воспоставување на нов граничен премин Клепало
-
Музиката може да поттикне побрз раст и развој на растенијата
-
Јаневска: До крајот на мандатот услови за едносменска настава во сите училишта и ангажирање на 3000 вишок наставници
-
Фудбалски тим од третата грчка лига останал без опремата додека со траект патувал од Крит за Атина