Претседателот на австриската еврејска заедница го повика Курц да не коалицира со ФПО
Еврејската заедница на Австрија упати повик до мандатарот Себастијан Курц да не формира влада со националистичката Партија на слободата (ФПО) на Хајнц Кристијан Штрахе.
- Кога националистичкиот волк ќе се преправи во сина овца, тоа не го менува неговиот карактер туку само неговиот изглед, пишува во отвореното писмо што Оскар Дојч, претседател на најголемото еврејско здружение во Австрија го упати до Курц.
Народната партија ОВП на Курц победи на изборите и има можност да бира дали да коалицира со идеолошки по-блиската ФПО или пак да ја продолжи традиционалната коалиција со социјал-демократската партија СПО. Во 2000 година Австрија се најде под низа санкции од страна на Европската Унија, откако ОВП формираше влада со ФПО, тогаш предводена од Јорг Хајдер.
Курц изјави дека неговата партија има слични ставови со ФПО по многу прашања. Штрахе, пак, вели дека неговата ФПО е затворена за анти-семити и дека партиските тела бргу реагираат по секој инцидент на говор на омраза насочен против Евреите. Самиот Штрахе го посети меморијалниот центар на Холокаустот Јад Вашем во Израел и вели дека анти-семитизмот е кривично дело.
Ново на Сител
-
Следува период на многу топло време, температурата до 40 степени
-
Грчката фрегата во Аденскиот залив интервенирала и соборила дронови
-
Русија тврди дека уништила два лансири за ракети „Патриот“ во регионот на Одеса
-
Околу 50 лица се удавија, од кои седум деца, во руските реки, езера и мориња во последните 24 часа
-
Денеска е Светски ден на чоколадото
-
Обилните дождови предизвикаа свлечиште во Непал, загинаа најмалку 14 лица, девет се водат за исчезнати
-
Владина делегација на Самитот на НАТО во Вашингтон - јакнење на билатералните односи со САД и афирмирање на земјава како стабилен партнер
-
Симовски: Имаше јаки притисоци на Бугарија пред пописот во Албанија