„Прекината одисеја“ гостува во Куманово, приходот од билети за помош на поплавените
Во Центарот за култура „Трајко Прокопиев“ во Куманово вечер ќе гостува претставата „Прекината одисеја“ од Роберт Урбањски, во режија на Јацек Гломб, која ја изведува Македонскиот народен театар во соработка со театарот „Хелена Моджејевска“ од Полска.
Цената на влезниците е по симболични 100 денари, а средствата кои ќе бидат собрани од продажбата на билети ќе бидат наменети за санирање на штетите од поплавите кои минатиот месец ги зафатија Скопје и околината.
- Се работи за грандиозна претстава со голем број акетри, половина од Полска, половина од МНТ. Гледачите ќе имаат можност да уживаат во оваа претстава за бегалците од Егејска Македонија, изјави Сашо Костовски, директор на Центарот за култура во Куманово.
„Прекината одисеја“ е втора претстава од хуманитарен карактер која се игра во кумановскиот Центар за култура, по изведбата на претставата „Идиоти“ на Кумановскиот театар.
На 24 септември Македонската опера и балет во Центарот за култура во Куманово ќе ја изведе детската оперета „Трите прасиња“. Средствата кои ќе бидат собрани и од оваа изведба ќе бидат наменети за санирање на последиците од августовската поплава во Скопско.
Ново на Сител
-
Почина Пол Ди’Ано - поранешен предводник на хеви-метал бендот „Ајрон мејден“
-
Максимална победа за Алкалоид во второто коло на Европскиот шаховски клупски куп
-
Петмина убиени во куќа во Сиетл, осомничено 15-годишно момче
-
Министерот Мисајловски на меѓународен саем за одбрана во Турција
-
Влатко Стефановски сними нов албум во култното Abbey Road Studios во Лондон
-
Министерот Николоски на Форум во Солун за иднината на транспортот и инфраструктурата во Југоисточна Европа
-
Хезболах ја гаѓаше базата на израелската разузнавачка служба кај Тел Авив
-
Ветеринарна комора повикува на смиреност, ИЈЗ со препоракиза заштита по појавата на птичји грип