Прегазен пешак во Кочани - со тешки повреди итно префрлен во болница

Вчера во 11.00 часот во село Мородвис, кочанско, патничко возило „Лада Нива“ со штипски регистарски ознаки, управувано од 71-годишниот Е.А од село Мородвис, удрило во пешакот С.И.(79), од истото село.

Во незгодата пешакот се здобил со тешки телесни повреди и по укажаната лекарска помош во Здравствениот дом во Кочани бил пренесен во Клиничката болница во Штип на понатамошно лекување.

Увид на местото на настанот извршила увидна екипа од Полициската станица Кочани.