Пратеникот Фадиљ Зендели од Беса, кандидат за градоначалник на Гостивар
Актуелниот пратеник и потпретседател на политичката партија „Движење Беса“ ќе биде кандидат за градоначалник на општина Гостивар. Тој беше единствен предлог на основачкото собрание на гостиварскиот огранок, кое се одржа синоќа.
На една од точките од дневниот ред беше и избор на кандидат за градоначалник, по што членовите на собранието едногласно го поддржаа предлогот, Зендели да биде кандидат за претстојните избори. Тој во обраќањето по изборот најави дека ќе работи на организирање на членството и постигнување на добри изборни резултати.
– Целосно сум свесен за потребите и барањата на граѓаните и свесен сум за тие предизвиците. Но, без сомнение, на 17 октомври, имаме одлична можност заеднички да ѝ дадеме голем поттик на општината за побрз развој и да ја издигнеме. Затоа, овие избори не се само прашање на изборна конкуренција, туку конфронтација на вредности и идеи, стратегии и проекти во подобрување на животот на сите нас што живееме во општина Гостивар, рече Зендели.
Листата за кандидати за членови на општинскиот совет, ќе биде објавена на генералното собрание кое според најавите треба да се одржи пред 11 септември.
Раководството на партијата откако претходно ги распушти ограноците низ земјава, донесе одлука за реорганизација и нивно активирање пред локалните избори.
На основачкото собрание, на кое присуствуваа претседателот Биљал Касами, министерот за земјоделие Аријанит Хоџа и заменик министерот за образование Арафат Шабани беа избрани раководните тела на огранокот. Нов претседател гостиварскиот огранок од синоќа е Арбен Адеми директор на „Театар Гостивар“.
Кандидатурите за градоначалник на Гостивар досега ги официјализираа Арбен Таравари од Алијанса за Албанците и Рената Елези од ДПА. Според најавите на раководството на ДУИ, нивен кандидат ќе биде Невзат Бејта.
Ново на Сител
-
Анкета на ИПИС: Мицкоски најпопуларен политичар, граѓаните очекуваат новата власт да биде подобра од претходната
-
ЦУК: Прв координативен состанок за справување со змии
-
ДЗР ги објави конечните ревизорски извештаи за СДСМ, ВМРО-ДПМНЕ, ДУИ и Алтернатива
-
Претрес во Тетово, приведен дилер
-
Штети во Свети Николе и Неготино поради невреме, четири пожари на отворено, известува ЦУК
-
Израел планира да ја користи сателитската интернет услуга Старлинк во случај на конфликт со Хезболах
-
Министерот Муцунски ја продолжува посетата на Брисел со средби со претставници на ЕУ
-
Промоција на нов електронски дневник за работа на училиштата