Пратеничката Мектиернан ја повика Австралија да ја признае Македонија под уставното име
Австралиската пратеничка Алана Мектиернан ја повика австралиската Влада да ја признае Македонија под уставното име. Мектиернан, која минатата недела беше во посета на Македонија, вели дека Австралија треба да им се придружи на своите сојузнички држави во признавањето на македонското уставно име.
- Грчката Влада водеше една навистина византиска кампања за да ја принуди малата држава да прифати апсурдно име - поранешна југословенска Република Македонија и ги нарекува нејзините граѓани Фиромјани. Грција инвестираше огромен капитал за да го задржи ветото за македонскиот прием во Европската Унија и во НАТО во изминатите 20 години. Од друга страна, оваа мала држава со два милиони жители се бори да го модернизира своето мултиетничко население и да создаде работни места за да ја намали стапката на невработеност од 28 проценти. Австралија би требала да внесе доза здрав разум во оваа ситуација, и да ја признае државата како Република Македонија - слично на САД, Британија и Европската Унија. Ние не треба да правиме избор меѓу интересите на грчките и македонските Австралијци - и едните и другите се длабоко вткаени во австралиската нација. Но, не е во ничиј интерес ако оваа мала држава се распадне. Јас ја имав честа да се сретнам со претседателот Ѓорге Иванов и со повеќе високи македонски политичари - тие се умни, добро образувани и работат напорно да ја модернизираат својата економија. Но, притоа мораат да работат со една рака врзана зад грб, изјави Мектиернан пред австралискиот Парламент.
Пратеничката од Перт се сретна со претседателот Иванов, министерката Марта Арсовска Томовска, потпретседателот на Собранието Антонио Милошоски и други македонски претствници за време на својата посета на Македонија. Во своето кусо обраќање, таа додаде дека Македонија и Грција се економски поврзани, и покрај спорот со името, но грчкото упорно блокирање на постоењето на Македонија како независна држава може да има сериозни последици за целиот регион. Грчката заедница во Австралија има вложено сериозен притисок врз австралиските власти да го попречи признавањето на Македонија под уставното име.
Ново на Сител
-
Заврши доказната постапка во случајот за убиството на Вања и Панче, судењето продолжува на 2 јуни
-
Ликвидирале по нарачка, уапсени четири лица поврзани со убиствата на Орхан Бајрами Оки и Амар Исмани
-
Папата Лав Четиринаесетти повика да се дозволи влез на хуманитарна помош во Појасот Газа
-
Приведен измамник од Велес, на интернет продавал наводно благословени предмети
-
Во МЕПСО им се барало мито на инвеститори, Мицкоски очекува наскоро да бидат обелоденети ваквите тврдења
-
Фрлил шише со запалива течност на влезна врата од казино во Чаир, пробал да го запали
-
Двајца основци од училиште кај Бит Пазар нападнале соученик со остар предмет
-
19-годишен возач со „БМВ“ удрил 81-годишен пешак во Тетово