Прашањето за името на дневен ред на средбата Ципрас - Меркел во Брисел
- Прашањето за името на Македонија ќе биде на дневниот ред на средбата на грчкиот премиер Алексис Ципрас со германската канцеларка Ангела Меркел што ќе се одржи денеска во Брисел во рамките на неформалната средба на 27-те земји членки на ЕУ, објави грчкото издание „Зунгла“.
Според весникот, по средбата со македонскиот премиер Зоран Заев Меркел изразила став дека „ситуацијата во Македонија е смирена во голем степен и дека земјата е навлезена во фаза на стабилизација. Се одбележува и дека по разговорот со Заев, германската канцеларка добила впечаток дека неговата Влада ја сели „амбициозната реформска програма“ и дека „полага напори за да ја реализира“.
Прашањето со името било една од темите и на телефонскиот разговор Ципрас - Меркел, што се случи еден ден пред посетата на премиерот Заев на Берлин и средбата со германската канцеларка, потвдија од кабинетот на Ципрас.
Грчката телевизија Скај, повикувајќи се на свои извори, објави дека „Ципрас на Меркел и ја потенцирал потребата за конечно решение во спорот, со промена на уставното име на соседната земја“. Според истите извори, грчкиот премиер и германската канцеларка се договориле да се сретнат во петок во Брисел на неформалниот состанок на лидерите на ЕУ.
Канцеларката Меркел по средбата со Заев во Берлин излезе со став дека спорот меѓу Македонија и Грција за името e досега најблиску до решение, треба да биде затворен, но оти каков било притисок нема да влијае позитивно врз процесот. Напомена дека и двете страни се однесуваат одговорно во обновените преговори и оти и Грција и Македонија знаат што можат да дадат за да се постигне компромис и побара диксреција во процесот.
- Компромисите се секогаш болни, но и неопходни. Тоа е дипломатска уметност и за тоа не треба да се зборува на прес-конференции, туку зад затворени врати. Верувам дека јавните изјави повеќе може да му наштетат, отколку да му користат на процесот, додаде германската канцеларка.
Премиерот Заев од своја страна посочи дека македонската Влада е решена да ги решава проблемите со соседите и да развива регионална соработка.
Ново на Сител
-
Македонија е далеку од гасификација: Преносната мрежа не е готова, дистрибутивната не е ниту почната
-
Вредностите на манганот во водата во Струмица околу границата на исправност
-
Сите за правично судење: Загрижувачки е изборот на директор на Академијата за судии
-
Министерката влезе во „Кузман“ да провери како тече реконструкцијата
-
Османи нуди план за менување на уставот - да се вметне клаузула за суспендирање на уставните измени
-
Тема на денот со Венко Филипче, лидер на СДСМ
-
Во клиниката Жан Митрев отворен центар за мајка и бебе – родилиште според највисоките стандарди
-
Дали и кој ќе одговара за смртта на 14 месечното бебе по утврдените недостатоци од стручниот надзор?