Пожарот над Гари ставен под контрола, нема никаква опасност по блиските села
Ставен е под контрола големиот пожар во планината Стогово, над дебарското село Гари, област Мала Река и не постои никаква опасност по ова и соседното село Осој, изјави за МИА, Џетан Мифтароски, командир на дебарската Територијална противпожарна единица.
- Со максимални напори на нашите пожарникари и вработените на подружницата „Стогово” на ЈП „Национални шуми” успеавме да ја отстраниме секоја можна опасност од проширување на пожарот. Дополнително ни „помогна" и краткотрајниот дожд, кој иако не беше обилен сепак во одредена мерка беше во прилог на веќе постигнатото, додаде Мифтароски.
Пожарот беснееше три дена и постоеше опасност да се прошири до селото Гари а потоа и Овој, чии жители беа видно загрижени.
-Опжарени се над 70 хектари. Првите два дена гореше сува трева и ситно стеблеста шума, но денеска зафати и високо стеблеста шума. Апелирам до граѓаните да бидат совесни и да ја почитуваат препораката за забрана на движење во шуми, апелира Мифтароски.
Ова е втор голем пожар на територијата на општината. Претходно голем пожар беснееше над селото Татар Елевци со опасност да се прошири во селата Горно Рајчица и Горно Косоврасти, сој беа зафатени над 30 хектари.
Во неговото гаснење освен дебарските пожарникари, вработени од подружницата „Стогово“ на ЈП „Национални шуми“, како и жители од село Горно Косоврасти, беа вклучени и два „ер-трактори".
Ново на Сител
-
Поранешниот потпретседател на Европскиот парламент е уапсен во трговската афера со дипломи во Полска
-
Собранието не го прифати Предлог законот за изменување и дополнување на Законот за игри на среќа и забавни игри, во прво читање
-
Пробиштип: Со возилото намерно удрила сограѓанин - Кривична за 41 годишна жена
-
Спречени три терористички напади за време на ОИ и ПОИ во Париз
-
Другар му го погодил со воздушен пиштол - Дете заврши на скопските клиники
-
Тетовчанец се заканувал на новинарка - Полицијата го приведе
-
Филипче: ДКСК да ја утврди фактичката состојба со мојот имот, а потоа ќе барам Мицкоски да ми се извини
-
Град Скопје поднесе 20 проекти на јавниот повик на Владата