ОН потврди за нападнат хуманитарен конвој во Сирија

ОН потврди дека хуманитарен конвој бил бомбардиран западно од градот Алепо. Најмалку 18 камиони биле уништени.

Тие биле дел од конвој од 31 возила на ОН и Сириската црвена полумесечина кои доставувале помош за 78.000 луѓе во градот Орум ал Кубра, што е под контрола на бунтовниците.

Според портпарол на ОН, градот бил бомбардиран вчера вечерта. Било погодено и складиште на Сириската црвена полумесечина во Биг Орем. ОН не се во состојба да потврдат за жртви во нападот.