Поранешниот лидер на Фронтот ал Нусра убиен кај Алепо

Високиот воен командант на милитантната група „Џабат Фатех ал Шам“, некогашен огранок на Ал Каеда во Сирија, е убиен во воздушен напад во близина на градот Алепо, изјавија два извора на бунтовниците, јави Танјуг. 

Тие истакнаа дека командантот, чиј псевдоним е Абу Омар Саракеб, загинал во воздушен напад, чија цел бил состанокот на лидерот на таа група.

Засега не е познато, кои земји стојат зад нападот.

Според непотврдени информации неколкумина високи функционери на таа групација загинале или се ранети.

Фронтот ал Нусра објави во јули дека ќе го прекине својот однос со Ал Каеда.