Поради навредата кон лицата со посебни потреби, јавноста бара одземање на лиценцата на психологот
Навредлив коментар на член на Комората на психолози објавен на Фејсбук предизвика лавина реакции на социјалната мрежа. Комората јавно го осуди и се огради од коментарот на својот член Јове Хаџиевски, кој објави фотографија на премиерот Зоран Заев со лицата со инвалидитет и со попреченост коментирајќи дека ,,премиерот конечно е во друштво со интелектуално рамноправни на себе”.
Комората на психолози веднаш го осуди ваквиот став и најави дека ќе свикаат итна седница на која ќе бидат преземени соодветни мерки за нивниот член.
,,Комората на психолози остро го осудува и се оградува од невредливи и дискриминирачки ставови објавени на приватен профил на Фејсбук од страна на член на Комората. Управниот одбор на Комората на психолози свика итна седница на која ќе се дискутира за овој настан и ќе се преземат соодветни мерки согласно Етичкиот кодекс на психолозите”, се вели во реакцијата објавена на Фејсбук.
Хаџиевски е претседател на Интернационалниот Гешталт институт во Македонија. Откако негата објава наиде на бројни реакции и осуди, тој се извини на социјалната мрежа.
,,Им се извинувам на сите оние кои несакајќи го засегнав со користење на погрешниот контекст”, напиша тој.
Но, револтираните граѓани му порачаа : ,,Лицата со посебни потреби се тука за да ги сакаме и почитуваме различностите и да се инклузираме во едно општество. Вие и таквите како вас се тука за да сфатиме какви луѓе не треба да бидеме. Очигледно сте немале поим со кои родители се замеривте. Срам да ви е!”
Подоцна на социјалните мрежи зачестија барањата да му се одземе лиценцата.
„Да му се одземе лиценцата на овој човек, срамно е да се нарекува псиголог“, се дел од реакциите на граѓаните кои бараат да се преземат мерки за ваквото однесување.
Ново на Сител
-
Трипуновски: Фирма од Струмица го оштетила државниот буџет за два милиони евра додека Николовски бил министер
-
СДСМ: Тошковски сака вината за скандалот на Блаце да ја префрли на невини вработени
-
Пријава до антикорупционерите
-
УНИЦЕФ: Секој деветти смртен случај кај новороденчињата во С. Македонија е поврзан со загаден воздух
-
Пребарување на вакциналните картони во Општина Петровец по појавата на морбили
-
Преглед на вести од светот
-
Дел од образовните асистенти потпишаа договори
-
Трипуновски: Фирма од Струмица го оштетила државниот буџет за два милиони евра додека Николовски бил министер