Поради големи свлечишта затворени два патни правци во Кривопаланечко
Попладнево се одржа вонреднен состанок на Штабот за заштита и спасување при општина Крива Паланка на кој беше разгледана состојбата со активираните постојни свлечишта на локалниот пат село Дурачка Река - село Станци, маала Метов – село Дренак кај местото Видња и на стариот пат кон манастирот „Св.Јоаким Осоговски“.
Според донесените заклучоци и препораки, целосно е затворен за сообраќај по стариот пат кон манастирот „Св.Јоаким Осоговски“, а утврдена е препорака за користење на алтернативниот локален пат, т.н. Руски пат.
За свлечиштето на локалниот правец Дурачка Река - село Станци – маала Метев – село Дренак кај местото Видња се препорачува целосна забрана на патниот правец за тешки товарни возила, а движењето на лесни моторни возила се препорачува само во случај на ургентна и неопходна потреба.
Напоредно преку месните заедници се преземаат мерки за информирање на месното население од селата Дурачка Река, Станци и Дренак.
Упатени се известувања до сите надлежни институции, до Полициската станица од општа надлежност, локалните такси компании и останатите субјекти.
Од Општинскиот кризен штаб апелираат до сите граѓани да ги почитуваат предупредувањата, препораките и поставената сообраќајна сигнализација.
За непочитување на овие укажувања општината и надлежните институции нема да сносат никаква одговорност, велат од Општински кризен штаб, потенцирајќи дека надлежните општинаски служби ќе бараат можности за пробивање на нов алтернативен пат.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата