Почна собраниската седница за пратенички прашања
Во Собранието претпладнево почна седницата на чиј дневен ред е точката за поставување пратенички прашања.
На почетокот од седницата, координаторот на пратеничката група на ВМРО-ДПМНЕ Никола Мицевски со процедурална забелешка го повика премиерот Димитар Ковачевски да ги опомене министрите во Владата, поради, како што кажа, „несериозниот однос бидејќи во моментот на седницата се присутни седум министри и три заменици министри, а само од еден министер е стигнат допис дека ќе отсуствува“.
– Јас сум лично навреден и барам денеска да бидат присутни сите министри, а премиерот Ковачевски да ги опомене сите негови министри. Со ова го покажувате односот кон Парламентот, граѓаните и вашето почитување кон овој законодавен дом. Вие треба да побарате министрите да бидат тука. Во текот на денешниот ден да ги повикате сите да дојдат и да бидат присутни, бидејќи највисока форма на деморкатија е одговарање на пратенички прашања од пратениците кои главно доаѓаат од граѓаните, нагласи Мицевски.
Собранискиот спикер Талат Џафери одговори оти со актот на повикување на седницата за денеска, пред една недела едновремено е пуштена покана до премиерот и до секој министер во Владата.
– Јас не сум курир да трчам по министрите. Секој има своја одговорност. Министерот Љупчо Николовски навремено извести дека е спречен да присуствува на седницата и тоа легитимно и легално согласно Деловникот, рече Џафери.
Според редоследот, прв кој поставува пратенички прашања е пратеникот Драган Ковачки од редовите на ВМРО-ДПМНЕ.
Ваква пленарна седница вообичаено се одржува секој последен четврток во месецот, а согласно практиката, први прашања на премиерот и министрите им поставуваат пратеници од опозицијата.
Ново на Сител
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување
-
Во рамки на акцијата „Темпули“ полицијата во Тирана уапси 20 лица и заплени кокаин, хероин и канабис
-
Приведени 14 државјани на Србија кои измамиле германски државјани за милион евра
-
Зголемен бројот на работници во индустријата