Почна аплицирањето за влезници за финалето во Лигата на шампиони
Европската фудбалска федерација (УЕФА) го отвори денеска процесот на аплицирање за купување билети за овогодишните финалиња во Лигата на шампионите, Лига Европа и Конференциската лига.
Официјалниот портал за купување билети на УЕФА ќе биде отворен до петок, 11 април во 11 часот, а секој поединец ќе може да купи најмногу два билети за Лигата на шампионите, а по четири за преостанатите две финалиња.
Како и изминатите години, најголемиот дел од билетите се наменети за навивачите на финалистите, додека билетите за пошироката јавност ќе се продаваат преку лотарија што ќе се спроведе по завршувањето на периодот за пријавување.
Финалето во Лигата на шампионите ќе се одигра на 31 мај на Алијанц Арената во Минхен, со капацитет од 64.500 седишта.
Цените на билетите се движат од 70 евра за финалистите, а за останатите места ќе треба од 180 до 950 евра.
Финалниот натпревар во Лига Европа ќе се игра на 21 мај во Билбао, додека финалето на Конференциската лига на 28 мај во Вроцлав.
Ново на Сител
-
Пратеничката Мимоза Муса ја напушти АА на Таравари
-
Силно невреме го зафати Белград, поплавени улици колапс на сообраќајот
-
Идниот гувернер ќе се избира на 28 мај
-
Косовски полицаец држел за врат српски матурант и го малтретирал во Косовска Митровица
-
Црвен крст: Досега собрани 156.542.967 денари за настраданите од пожарот во Кочани
-
Самоизолација и здравствен надзор за двајцата заболени од мајмунски сипаници
-
Претрес во валандовско, пронајдени бела прашкаста материја и шприц
-
Провалиле кај кавадарчанец и украле 10 литра ракија и пари