„Побједа“: Рускиот вице-премиер Рогозин има забрана за влез во Црна Гора
Потпретседателот на руската Влада и еден од најблиските соработници на претседателот на Русија Владимир Путин, Дмитриј Рогозин се наоѓа на листата на руски државјани на кои не им е дозволен влез на територијата на Црна Гора, објави подгоричкиот весник „Побједа“.
Претставник на црногорското Министерство за надворешни работи и европски интеграции за „Побједа“ изјавил дека Рогозин „се наоѓа на листата руски државјани на кои врз основа на одлуките на Владата за воведување на меѓународни рестриктивни мерки, им е ограничен влезот во Црна Гора“.
Владата, како и во случајот со тајкунот Константин Малофејев, се повикува на одлуката на Советот на ЕУ од 17 март 2014 година, која е продолжувана на секои шест месеци. Последната одлука на Советот е донесена на 14 септември 2015 година и нејзиното продолжување се очекува во март годинава.
Рестриктивните мерки кои се однесуваат на Рогозин се воведени поради „активности кои го поткопуваат или загрозуваат територијалниот интегритет, суверенитет и независност на Украина“, се наведува во изјавата на црногорското Министерство за „Побједа“.
Санкциите на ЕУ, покрај забрана за патување, подразбираат и замрзнување на сметките, но не е познато дали Рогозин има пари на сметки во банките во Црна Гора.
Ново на Сител
-
Милановиќ: Ниту една држава веќе нема да влезе во ЕУ, можеби само Црна Гора
-
Лишен од слобода криминалец баран со потерница
-
Миле Тодоров кој исчезна во јануари, виден кај планината Серта
-
Тепачка за имот во с.Кадино, се пресметале 83-годишник и 65-годишна жена
-
Исчезнатиот Миле забележан на Серта: Исцрпен и ослабнат, побегнал во шумата кога му се обратиле!
-
Поднесено обвинение за убиство при семејно насилство во Кавадарци
-
Димитриеска Кочоска: Досега од буџетот се обезбедени 30 милиони денари за настраданите во Кочани, а исплатени се 11,2 милиони
-
Славески: Ќе ја оправдам довербата, а оние кои имаат забелешки ќе ги убедам дека Народна банка била и ќе остане неазависна