Планот 3-6-9 претставен пред амбасадорите на земјите членки на ЕУ
Заменик претседателот на Владата на Република Македонија, Бујар Османи, деенска во просториите на Делегацијата на Европската Унија го презентира Планот 3-6-9 пред евроамбасадорот Самуел Жбогар и амбасадорите на земјите-членки на ЕУ, соопшти Секретаријатот за европски прашања (СЕП).
- Во овој План се опфатени реформите кои Владата ќе ги спроведува во претстојниот период од 3 месеци односно до одржувањето на локалните избори, а во меѓувреме паралелно се работи и на допрецизирање на мерките кои треба да се реализираат во наредните 6 и 9 месеци, рече Османи. Истакна дека Владата се залага за обезбедување транспарентност и инклузивност, вклучително и со вклучување на опозицијата.
Вицепремиерот Османи ја нагласи посветеноста на Владата на спроведувањето на овие реформи и важноста да се искористи позитивната клима, но изрази и очекување дека, во согласност со успешноста при реализацијата на преземените обврски, земјите-членки на Унијата ќе преземат конкретни чекори во насока на забрзување на евроинтегративните процеси на Република Македонија, вклучително и чиста препорака за почеток на преговорите.
Планот 3-6-9 прв пат беше презентиран пред јавноста минатата недела, и е практично првиот чекор на Владата за сериозен пробив на земјата кон евроатлантските интеграции, по долгогодишниот застој во овие области, истакнуваат од СЕП.
Ново на Сител
-
Пад на заболени од грип во државава, но бројката сѐ уште висока
-
Измамен 27-годишник од Тетово, очекувал да се сретне со девојка но бил физички нападнат од две лица
-
Кривична против 47-годишник за обид за убиство во Ново Село
-
49-годишна жена пријавила дека била нападната со тврд предмет од нејзиниот сопруг
-
Црвен крст: Oбезбедни 34.836.205 денари за настраданите во пожарот во Кочани
-
Коцевски: Неприфатлива е политичката злоупотреба на трагедијата во Кочани
-
Студентите во Ниш ќе собираат утре парични средства за семејствата на повредените во пожарот во Кочани
-
Две повозрасни жени од Скопје биле измамени за пари со наводни сообраќајки на нивните ќерки