Планетарна линија на небото деновиве
На ноќното небо оваа недела, седум планети ќе се порамнат во линија, создавајќи тн. „планетарна парада“. Тоа ќе биде кратка, но како и секогаш – атрактивна можност.
Меркур, Венера, Марс, Јупитер, Сатурн, Нептун и Уран ќе може да се видат на ведро небо, но не сите планети ќе можат да се видат со голо око, според стручњаците. За подобар поглед, одберете место со ведро небо, минимално светлосно загадување и јасен поглед на хоризонтот. „Парадата“ први ја видоа граѓаните на Јапонија – на 22 февруари, а како што пишува „Стар вок“ (Star Walk), Американците од Њујорк на пр., имаа најдобар поглед вчера – 25 февруари. Во другите делови на светот, феноменот ќе се гледа до почетокот на март. За најдобра видливост, познавачите велат оти треба да се чека зајдисонцето.
Како се гледа „планетарната парада“? Според НАСА, без телескоп се гледаат: Меркур, Венера, Марс, Јупитер и Сатурн. За да се видат Уран и Нептун, ќе треба со телескоп.
Марс изгледа црвеникаво и високо на небото, во близина на соѕвездието Близнаци. Јупитер е малку пониско на небото, близу соѕвездието Бик, а Венера ќе се појави како најсветлата планета на небото, кај Риби. Меркур ќе биде кај Водолија, во близина на Сонцето и веднаш над западниот хоризонт. Сатурн, исто така, ќе биде близу Сонцето и ниско на хоризонтот.
„Накусо, ова не е настан што се случува ‘еднаш во животот’, но овие планетарни паради нудат невообичаена можност да погледнеме нагоре и да го цениме нашето место во Сончевиот Систем, со разновиден свет поставен ширум небото пред нашите очи“, вели НАСА на својата страница.
Надвор од планетарните порамнувања, можно е да се забележат планетите поединечно. Марс, Јупитер и Сатурн често се гледаат на ноќното небо, известува американската Национална воздухопловно-вселенска администрација.
Ново на Сител
-
Ен-Би-СИ: Жештината е тивок убиец, поголем од поплавите, ураганите, торнадата
-
Трамп го отфрли тврдењето на Нетанјаху дека нема глад во Газа
-
Уапсен србин кај Ѓавато, не застанал на знак на полицијата, па потоа го оставил автомобилот и пробал да побегне
-
ЦУК: 20 пожари на отворен простор, десет активни, пет ставени под контрола и пет изгаснати
-
Чешка и Словенија испраќаат помош за справување со пожарите во Северна Македонија
-
За еден ден ќе почне првичната селекција на лицата кои треба да бидат ангажирани како пожарникари
-
Трамп ѝ даде на Русија нов рок од 10-12 дена за завршување на војната во Украина
-
Скопјанецот Зоран Настевски совлада “бомбаш самоубиец“ на лет од Лутон кон Глазгов | ВИДЕО