ПКК ја интензивира борбата против Турција по апсењето пратеници
Курдското малцинство во Турција треба да се „крене“ против владата, оцени политичкото крило на Курдската работничка партија (ПКК) - Сојуз на курдските општини, обвинувајќи го претседателот Реџеп Таип Ердоган дека се обидува да создаде „нов владејачки систем", пренесе ДПА.
„Курдскиот народ треба да се „крене“ во сите поголеми и помали градови... Денеска е денот за отпор. Денеска е денот да се соочиме против оние кои сакаат да го уништат самото постоење на Курдите", се наведува во соопштението објавено од прокурдската агенција Фират њуз.
Истовремено, командантот на ПКК Мурат Карајилан, преку видео порака, објавена на сајт близок до ПКК, изјави дека вооружената група ќе ја зајакне борбата против Турција по апсењата на прокурдски политичари.
Тој истакна дека е „многу важно" курдскиот народ да реагира против приведувањето пратеници од прокурдската Демократска партија на народите (ДПН).
Двајцата копретседатели на прокурдската формација, која е трета по големина политичка сила во земјата, и уште десет пратеници од ДПН беа приведени поради одбивање да сведочат за злосторства, определени како „терористичка пропаганда".
ПКК се смета за терористичка организација од страна на Турција, САД и Европската унија.
Ново на Сител
-
Разбиена терористичка ќелија – планирала напади врз цивили во Македонија
-
Кои се апликациите за заштита на децата на социјалните мрежи?
-
Сведоштво на родител кој го загубил синот поради Тик Ток видео
-
Мицкоски: Во Вашингтон имав историски средби за македонските интереси
-
Стоилковиќ открил нова злоупотреба, скап џип „заборавен“ во автосервис
-
Четири рочишта против Мерко
-
Дневно и по 200 деца со респираторни инфекции завршуваат на Детска и во клиниката “Козле”
-
Алијанса на пациентски орг. - лекови за онколошки болни што поскоро и вкл. на алијансата при носење на здрав. политики