Писториус ги отфрла повиците за зголемена германска воена помош за Украина
Германскиот министер за одбрана Борис Писториус ги отфрли повиците за поголема германска воена помош за Украина. „Не можеме да одиме „на се’“, како што бараат некои.
Во спротивно, самите би биле беспомошни“, изјави Писториус за Тагешпигел.
Тој додаде дека Германија досега испорачала се што е можно и дека Германија веќе и дава на Украина најмногу од сите земји на ЕУ, а сега останува на другите европски партнери да направат повеќе.
„На сите мора да им биде јасно: ако Путин победи во оваа војна и ја окупира Украина, опасноста за зоната на НАТО, се разбира, ќе се зголеми“, предупреди Писториус.
Според неговото мислење, мора да се земе предвид дека еден ден Русија дури и ќе нападне земја на НАТО.
Писториус во моментов не смета дека е веројатен руски напад, но наведува дека германските експерти проценуваат дека во период од пет до осум години тоа би било можно.
Тој посочува дека поради ова Бундесверот мора да стане „подготвен за војна“, дека мора да се преземат мерки на претпазливост и да се зголеми одбранбената способност.
Ново на Сител
-
Советот на Европа со нова критика до Бугарија – Нема свест за правата на малцинствата
-
Владата, синдикатите и работодавачите седнаа на заедничка маса
-
Познати компании го изигрувале Законот за поврат на ДДВ
-
Стручното образование ќе се крои по теркот на потребите на бизнисот
-
До понеделник ќе се знае дали има лекарски пропусти кај починатата родилка во Куманово и бебето на Детска
-
И Македонија и Србија бараат помош од ЕУ за справување со илегалната миграција
-
Ураганот Милтон ја погоди Флорида - 2 жртви и милиони без струја
-
Минчев: Да не се брза со Закон за правична застапеност, потребно е трајно решение