Пијан тинејџер зад воланот на „ауди“ предизвика страотна сообраќајка, сопатникот (14) во кома

Вчера во 22,15 часот во с. Ново Село-Куманово, на регионален пат Скопје-с.Никуштак-Куманово, поточно во близина на „Икина викендица“, се случила сообраќајна незгода во која 16 годишен малолетник од с. Љубодраг-Куманово, управувајќи патничко моторно возило „Ауди А-4 Авант“, со скопски регистарски ознаки, сопственост на Р.А. од Скопје, изгубил контрола над истото, при што излетал надвор од патот и се превртел.

По незгодата, сопатникот од возилото лице на возраст од 14 години од Р.Словенија, Горња Радгона, е пренесено во УЦ Куманово и  констатирани му се тешки телесни повреди на череп, опасни по живот и по укажана лекарска помош како итен случај е упатен во УЦ Скопје.

Увид на местото на настанот е извршен од екипа при СВР Куманово.

По предходно добиено овластување на ЈО од Куманово, од малолетниот возач е земена крв за анализа, и констатирано е присуство на 0,56 промили алкохол во крвта.