Петкратно убиство во куќа во Вашингтон, меѓу загинатите и осомничениот убиец
Пет лица загинаа во пукање во куќа во државата Вашингтон на крајниот северозапад на САД. Полицијата потврди дека меѓу загинатите е и осомничениот убиец, јавија локалните медиуми.
Локалната телевизиска станица КГВ8-ТВ објави дека Канцеларијата на шерифот на округот Кларк соопштила дека полицајците ги пронашле телата во домот во Орчардс, Вашингтон, во неделата по дојава за пукање што била примена во 13 часот.
Според Канцеларијата, член на семејството добил СМС порака од лице во домот во која пишувало дека таму има повредени луѓе, а откако ја добиле таа информација, полицијата го пребарала домот со дрон и видела неподвижни човечки тела.
Поради закана со огнено оружје бил активиран Регионалниот полициски тим за итни случаи (SWAT), а припадниците на SWAT влегле во куќата со итна медицинска помош, но биле пронајдени само безживотните тела на пет лица, јави локалната полиција.
Од Канцеларијата на шерифот потврдија дека веруваат дека во овој случај се работи за убиство и самоубиство.
Ново на Сител
-
Локалното население да се едуцира и да се вклучи во гаснење на пожарите
-
Тема на денот со Владимир Симоновски
-
ВМРО-ДПМНЕ: Рудникот е казнет и обврзан да ги преземен сите мерки од А-интегираната дозвола
-
СДСМ бара инспекторатот да побара одговорност од сите инволвирани во хаваријата од рудникот Тораница
-
Четворицата критични пациенти кои се во странски медицински центри и понатаму во тешка состојба
-
Во штипската болница отворен центар за рехабилитација на повредените во пожарот во Кочани
-
Преку измени на закон ќе се регулира користењето на пиротехника во затворен простор
-
Обука на вештаци за подобра експертиза и стекнување лиценци за поквалитетни судски постапки