Петков поднесе оставка
Бугарскиот премиер Кирил Петков поднесе оставка од Владата, објави БГНЕС.
Оставката ја испратил преку курир, велат за БГНЕС од прес-центарот на Народното собрание на Бугарија.
Петков рано утрово пристигна во зградата на Министерскиот совет, придружуван од обезбедувањето, но одби да даде изјава за медиумите. Ова дојде по расколот во владејачката коалиција и заминувањето на „Има таков народ“. Следуваше гласање недоверба, по што падна владата со гласовите на ГЕРБ, СДС, Вазраждане и ИТН. Бугарскиот претседател Румен Радев сега ќе се консултира со пратеничките групи во Народното собрание и потоа ќе даде мандат за составување нова влада.
Според бугарскиот устав, Националното собрание има право да направи три обиди за формирање на кабинет.
Првиот мандат Радев треба да го додели на „Продолжуваме со промената“ како најголема пратеничка група во бугарскиот парламент, која има намера повторно да го предложи Кирил Петков за премиер.
Доколку „Продолжуваме со промената“ не успеат да обезбедат мнозинство и нова влада, претседателот ќе го предаде вториот мандат на ГЕРБ-СДС, која вчера најави дека веднаш ќе му го врати на Румен Радев. Третиот мандат на претседателот на Бугарија избира на која од останатите пратенички групи ќе и го додели.
Доколку третиот обид не успее, Радев назначува преодна влада, го распушта Националното собрание и закажува предвремени избори. Петков на функцијата премиер е од 13 декември 2021 година.
Ново на Сител
-
Запленети над два тона сув цвет од канабис од објект на правно лице во Зелениково
-
Зеленски и Трамп разговараа за потенцијално заедничко производство на беспилотни летала
-
Прекин во снабдувањето со електрична енергија во дел од централното подрачје на Скопје
-
Путин не може да биде среќен од резултатите од Самитот во Хаг, смета Руте
-
Роналдо му се заблагодари на Пиоли по заминувањето од Ал-Наср
-
Виолетовата медуза повторно присутна во делови на Грција
-
Трамп ја потврди посветеноста на колективната одбрана на НАТО и го поздрави растот на трошоците за одбрана
-
Измени на Законот за воздухопловство, предлог да се зголеми на шест години финансиската поддршка за нови авиолинии