Пентагон испраќа околу 700 маринци во Лос Анџелес
Околу 700 маринци привремено ќе распореди американската војска во Лос Анџелес додека пристигнат дополнителни војници на Националната гарда, изјави функционер на американската администрација.
Околу 300 војници на калифорниската Национална гарда беа распоредени на улиците на Лос Анџелес во неделата за да помогнат во смирувањето на третиот ден од протестите против имиграциските мерки на претседателот Доналд Трамп, потег што демократскиот гувернер Гевин Њусом го нарече нелегален.
Функционерот, зборувајќи под услов на анонимност, рече за американски медиуми дека ќе биде испратен батаљон, но засега присуството на маринците нема да биде според Законот за бунт, што не се очекува да биде активиран.
Се очекува Националната гарда да достигне бројност од 2.000 до среда, а маринците да обезбедат поддршка дотогаш. Според американски медиуми засега не е јасно што точно е нивната задача.
Функционерот додаде дека ситуацијата е флуидна. Иако американската војска не може да спроведува операции за спроведување на законот на американска територија без да се повика на Законот за бунт, Пентагон често е повикан да одговори на национални кризи, од мисии на гранична патрола до помош при катастрофи или здравствени вонредни состојби. На пример, за време на пандемијата со Ковид-19, американската војска постави импровизирани болници.
Ново на Сител
-
МВР распиша оглас за 150 полицајци
-
НБ: Се намалуваат надоместоците за извршување на плаќањата во земјата и во СЕПА
-
Приведен возач од Гевгелија, возел со 99 км на час на место каде е довзолено 40 км на час
-
Црвен крст и МВР ќе потпишат Меморандум за соработка
-
Украина се повлекува од договорот за забрана на противпешадиски мини
-
Се уште гори на две локации - во Велешко и кај Македонски Брод, пожарот кај Дојран ставен под контрола
-
Пентагон повлекува 2.000 припадници на Националната гарда од Лос Анџелес
-
Почнува изградбата на Ветерниот парк Штип, инвестиција вредна над 500 милиони долари