Пекинг: САД да не го загрозуваат суверенитетот и безбедноста на Кина
Министерството за надворешни работи на Кина го предупреди денеска Вашингтон да не го оспорува суверенитетот на земјата, а со тоа одговори и на наводите дека САД планираат воени патроли на спорното Јужно Кинеско Море.
Портпаролот на кинеското Министерство Генг Шуанг истакна дека тензиите во Јужното Кинеско Море се стабилизирани благодарение на интензивната соработка на Кина и земјите од југоисточна Азија, и ги повика странските земји, вклучително и САД, да го почитуваат тоа.
- Ги повикуваме САД да не преземаат никакови акции што го загрозуваат сиверенитетот и безбедноста на Кина, истакна Генг на прес-конференцијата.
Американскиот весник „Нејви тајмс“ објави денеска, повикувајќи се на неименувани воени претставници, дека раководството на американската морнарица и Пацифичката команда ја разгледуваат можноста да воведат патроли во прометните води на Јужното Кинеско Море, во согласност со принципот на слободно пловење, а патролата да биде спроведена од страна на офанзивните групи на носачи на авиони „Карл Винсон“ од базата во Сан Диего.
САД, последен пат изведоа операција на слободно пловење во таа област во октомври.
Ново на Сител
-
Струга: Агресивно се однесувал во казино, па го нападнал обезбедувањето - Кривична за 33 годишен маж
-
Wing Chun Надеж за Иднината | Si-Fu Ѓоре Костовски | Личен развој | Sitel Podcast 060
-
Гаснењето на пожарот во Чаир отежнато поради големата количина запаливи материјали
-
Без вода утре корисниците од „Мишко Михајловски“ и дел од „Франклин Рузвелт“
-
23-годишен гостиварец лажно пријавил дека му извадиле нож, поденесена му е кривична пријава
-
ЈО: Материјалот за случајот со поранешната министерка за култура е пристигнат и се проучува
-
Папата го прогласи 7 октомври за ден на пост и молитва за мир
-
Борис Кондарко избран за претседател на ДИК