Партијата за Движење на Турците: Граѓаните го трасираа патот на Македонија кон НАТО и ЕУ
Партијата за Движење на Турците во Македонија (ТХП) им честита на сите граѓани кои вчера се одважија и својот став го изнесоа во гласачките кутии. Радува фактот што вчерашниот историски референдум помина во демократски амбиент, а огромното мнозинство на граѓани уште еднаш упатија силна порака дека ги поддржуваат евроатлантските интеграции.
Особено сме задоволни и од активното учество на граѓаните од турската етничка заедница кои со високиот одзив уште еднаш покажаа висока демократичност и одговорност кон татковината. Очигледен е резултатот дека во сите средини каде што доминира турското население резултатите се позитивни.
Повеќе од јасно е дека вчерашниот референдум е успешен, а граѓаните го трасираа патот на Македонија кон НАТО и ЕУ.
Партијата за Движење на Турците (ТХП) јасно и гласно ги повикува сите активни политички чинители на Македонија да ја почитуваат одлуката на мнозинството граѓани и да покажат зрелост и државнички карактер. Државните интереси треба да бидат над личните и партиските калкулации.
Ние, како најголем политички субјект на Турците во Македонија и во следниот период со сите наши капацитети ќе се посветиме на евроатлантската интеграција.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри