Партијата на пензионери на локалните избори ќе учествува во коалицијата предводена од СДСМ
ПАРТИЈА НА ПЕНЗИОНЕРИ, на 16.07.2021 година, во Скопје одржа седница на Главен одбор и СОБРАНИЕ на ПП, на кои, покрај статутарни обврски, се разработени прашања и донесени одлуки во врска со локалните избори во РС Македонија, кои ќе се одржат октомври 2021 година.
Донесена е одлука на локално ниво да се интензивираат активностите за реализирање на клучните цели од Програмата за работа на ПП, која е платформа за политичко дејствување на партијата во период 2020 – 2030 година, со акцент на прашања кои се однесуваат на економско-социјалната положба, стандардот и правата на пензионерите.
Потенцирана е потребата од дефинирање на перспективите, во рамки на коалицијата, за остварување на заложбите за подобрување на сегашниото законско решение за усогласување на пензиите, со додавање на основот истите, во определен сооднос, да го следат и порастот на платите во земјата, за што ПП веќе поведе иницијатива.
ПП го реафирмира слоганот „човекот е на прво место“ и своите политики за достоинствена старост и пензии, за подобро здравство и здравје, за солидарно општество, за образованието, младите и за животната средина.
Усвоен е извештајот за работењето на ПП, во период до одржувањето на седницата на Собранието, поднесен од Претседателот г-дин Илија Николовски.
Собранието на ПП утврдувајќи ги критериумите кои треба да ги исполнуваат кандидатите на партијата на локални избори, ја потврди Одлуката на ИО и ГО на претстојните локални избори, кои ќе се одржат во октомври 2021 година, Партијата на пензионери, на рамноправна основа, да учествува во коалицијата предводена од СДСМ.
Ваквата одлука, покрај досегашната плодотворна соработка, се темели и на фактот дека определбите од Програма на СДСМ, кои се однесуваат на прашања од доменот на пензионерските политики, имаат најголема компатибилност со Програмата и решенија кои, во таа свера, ги нуди ПП.
ПАРТИЈА НА ПЕНЗИОНЕРИ
Ново на Сител
-
Нов состав на историската комисија
-
Сузбиена организирана криминална група инволвирана во криумчарење мигранти
-
За една недела отстрането 91 непрописно паркирано возило во Општина Центар
-
Секој деветти смртен случај кај новороденчињата во Македонија е поврзан со загаден воздух
-
Македонски државјанин уапсен во Швајцарија - Се обидел да изврши грабеж во пензионерски дом
-
Спречени обиди за криумчарење ловечка муниција, цигари, брендирана облека и девизи
-
Мотоциклист од Валандово изгубил контрола и удрил во паркирано возило
-
Нови цени на горивата од полноќ