Партијата на Мета ја обвини Владата за грабеж на населението преку цената на горивата
Партијата на поранешниот албански претседател Илир Мета, Партија на слободата, обвини дека во Албанија, каде поголем процент од популацијата живее со или помалку од 5,5 долари на ден, еден литар нафта чини 1,91 евро.
– Во Албанија, најсиромашната земја во Европа, каде минималната плата е 291 евро, а 67 отсто од населението живее со приходи помали или до 5,5 долари дневно, денеска еден литар дизел се продава за 1,91 евро. Во Луксембург, земјата со минимална плата од 2.202 евра, највисока во цела Европска Унија, денеска еден литар дизел се продава за 1,77 евра, изјави генералниот секретар Теди Блуши. Тој додаде дека Албанците со десетпати помал приход од Луксембург денеска купуваат нафта поскапо затоа што „имаат Влада која секојдневно немилосрдно ги краде“.
– Сега и со одлуките на Одборот на крадци (Одбор за утврдување на цените на горивата) има само една цел: Да ги испразни џебовите на граѓаните за да ги наполни џебовите на Еди Рама и касата на Владата, да го финансира грабежот преку печки за горење отпад и концесии, обвини тој.
Блуши ги повика парламентарните партии што побрзо да ја поддржат законската регулатива, предложена од оваа партија за укинување акцизата и другите додатоци. – Тоа е единственото решение за намалување на цената на горивата! Владината глувост, алчност, незаконитост и корупција ги втурнува Албанците во длабока сиромаштија, наведе Блуши.
Ново на Сител
-
Превртена приколка од камион го блокира патот Истибања – Македонска Каменица, сообраќајот во прекин
-
Во среда авионска дезинсекција против комарци во Скопје
-
Град Скопје: Власта го политизира наместо да го осуди случајот со физичкиот напад врз градоначалничката Арсовска
-
Формиран Кризен штаб за заштита од пожари во Македонска Каменица
-
Украинските ученици наскоро ќе учат да летаат со ФПВ дронови како дел од ажурираната наставна програма „Одбрана на Украина“
-
Исчезна руски воен хеликоптер со пет лица
-
Кривична за кавадарчанец за шест дела „тешка кражба“ и две за „тешка кражба во обид“
-
Сузбиена организирана криминална група инволвирана во криумчарење на мигранти, приведени шест лица