Партијата на Каракачанов: Гарванлиев ќе ја претставува Бугарија на Евровизија, ако Македонија не го испрати
ВМРО на бугарскиот вицепремиер Красимир Каракачанов денеска излезе со партиско соопштение во кое вели дека ќе работи на тоа следната година Васил Гарванлиев да ја претставува Бугарија на Евросонг, доколку Македонија го повлече од овогодинешниот настап, пренесе Фактор.
– „Евровизија“ е натпревар во пеење за слободни и талентирани млади луѓе. Со што се случува со претставникот на РС Македонија на Евровизија Васил Гарванлиев не кореспондира на кој било начин со европските вредности за кои Скопје официјално тврди дека тежнее. Ние од ВМРО нема да толерираме засадување на негативни чувства против Гарванлиев, само затоа што не крие дека има бугарски пасош – исто како и скоро 100.000 наши браќа таму. И, ако младиот пејач се повлече од конкуренцијата, ќе ја повикаме Бугарија тој да биде испратен како нејзин претставник следната година. Сè додека ВМРО е во бугарскиот парламент, нема да дозволиме воинствен србомакедонизам во ЕУ, се вели во дел од соопштението на партијата предводена од бугарскиот министер за одбрана која е дел од владеачката коалиција.
Изминатите денови МРТ соопшти дека ќе формира комисија да го преиспита настапот на Гарванлиев откако првично во кадар на неговиот спот се појави уметничко дело кое потсетува на бугарското знаме, а потоа беше покрената петиција тој да не учествува на Евросонг.
Ново на Сител
-
Работниците ширум Европа и Азија бараат поголеми работнички права на првомајските демонстрации
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата