Парична казна и 3 години забранет влез за Бугарите кои навредуваа полицајци на Деве Баир
Судот вчеравечер им изрече парична казна во износ од 300 евра и мерка протерување од земјава и забрана за влез во државата за период од три години на тројцата бугарски државјани, кои беа приведени вчера на граничниот премин „Деве Баир“ поради нарушување на јавниот ред и мир.
Бугарските државјани, 35-годишниот Г.З., 50-годишниот А.Х., и 54-годишниот Р.Х (54), како што соопшти МВР, биле приведени околу 12:45 часот откако се однесувале дрско и недолично и прво вербално, со најпогрдни зборови, а потоа се обиделе и физички да нападнат полициски службеници кои преземале службени дејства.
На преминот „Деве Баир“, на нашата граница кон Бугарија вчера беа воведени засилени полициските контроли, поради најавите за доаѓање на организирани групи бугарски државјани за посета на гробот на македонскиот револуционер, Гоце Делчев, на одбележување на 151-та годишнина од неговото раѓање.
Во еден период од денот, поради пад на системот за контрола на граничниот премин „Деве Баир“ за влез во земјава се чекаше неколу часови.
Ново на Сител
-
Камениот мост осветлен во црвено за подигнување на свеста за туберкулозата
-
Абазовиќ: Предвремени избори што поскоро, но согласно правниот поредок
-
Најмалку 165 лица се повредени во денешниот земјотрес во Иран
-
ДСЗИ: Не се констатирани недостатоци во битолската болница
-
Макрон: Договорот Србија-Косово е важен напредок и треба веднаш да се спроведе во целост
-
Татко од струшко село со дрво ја тепал ќерка си
-
„Студентски отпор“ најави протести доколку не им се исполнат сите барања
-
Двајца малолетници тешко повредени во сообраќајка на регионалниот пат Скопје – Тетово