Папата повика на мир, толеранција и помирување во текот на Олимпијадата
Во пресрет на Летните олимписки игри, што в петок почнуваат во бразилскиот град Рио де Женеиро, папата Франциско денеска упати порака во која нагласи дека Олимпијадата треба да ги поттикне луѓето ширум светот да манифестираат поголема меѓусебна солидарност и разбирање.
- Се надевам дека во денешниот свет кој копнее за мир, толеранција и помирување, духот на Олимписките игри би можел да ги инспирира сите учесници манифестираат добра борба и заедно да стигнат до целта, порача папата во својата олимписка порака, парафразирајќи цитат од Библијата.
Како што јави ДПА, папата порача дека целта на сите не треба да бидат медалите, туку „нешто многу повредно: создавање на цивилизација во која ќе владее солидарноста базирана на фактот дека сите ние сме дел од едно исто семејство на човештвото, независно од раликите во културата, бојата на кожата или религијата“.
Папата во пораката упати и честитки до Бразилците како домаќини на Олимпијадата за нивната покажана гостољубивост и нагласи дека се надева дека Олимписките игри ќе им помогнат „да ги надминат сегашните тешки времиња“ и да работат заедно на изградба на „порамноправна и поправедна земја која ќе нуди поголема надеж и задоволство“.
Ново на Сител
-
ЦУК: Конститутивна седница на Управувачкиот комитет за координација
-
Кривична пријава за 16-годишник од Крива Паланка, украл автомобил од сограѓанин
-
Тешко повредени мајка и ќерка од Гостивар откако врз нив паднала порта
-
Ужас во Скопје: Го киднапирале и го натерале да се самозапали
-
Оливер Миланов ја презеде функцијата директор на Агенција за храна и ветеринарство
-
Злате Мехмедовиќ ќе биде новиот директор на Клиниката за физикална медицина и рехабилитација
-
Франција распореди 30.000 полицајци поради страв од немири на денот на изборите
-
Кој е Кир Стармер, идниот британски премиер?