Папата Франциск е ставен под надзор заради Ковид-19, имал средба со инфициран кардинал
Папата Франциск е ставен под постојан медицински надзор поради сомневање за инфекција со коронавирус, по средбата што ја имал со филипинскиот кардинал Луис Антонио Тагле, за кого подоцна се утврдило дека е позитивен.
Филипинскиот кардинал Тагле (63) на 29 август имаше приватна аудиенција кај папата Франциск. По враќањето во Манила, на 10 септември, филипинскиот кардинал бил тестиран за коронавирус, пренесе Гардијан.
Државниот секретар на Ватикан, Пјетро Паролин, за Анса изјави дека здравјето на папата е под постојан мониторинг и дека моменталната состојба не е загрижувачка, но дека, сепак, тие се претпазливи.
Папата со сите свои посетители во Апостолската палата разговара без заштитна маска. Минатата недела, меѓутоа, за првпат од почетокот на пандемијата тој беше виден како носи маска.
Папата ја избегнува својата вообичаена пракса на ракување и бакнување бебиња и користи средства за дезинфекција на рацете.
Тој и во март беше тестиран за коронавирус, кога беше откриено дека надбискупот кој живеел во истата резиденција заболел од Ковид-19.
Ново на Сител
-
Скопскиот Кривичен суд ќе го води судскиот процес за пожарот во кочански „Пулс “
-
Лион ќе се жали поради испаѓањето во Лига 2
-
Министерство за економија и труд: Да се применуваат мерките за заштита на работниците од горештините
-
Видеоиграта „Death Stranding 2“ достапна за обожавателите
-
Шварценегер откри кој филм му донел најмногу пари
-
Пристапот до Интернет во Иран се враќа во „претходна состојба“
-
Повредените од „Пулс“ со 62 бели балони за загинатите и порака „Никогаш нема да ве заборавиме“ | ВИДЕО
-
Тошковски: Работниот статус на полицајците во истрагата за „Пулс“ е ставен во мирување