Пакистан: 22 загинати во судар на автобус и автомобил
Најмалку 22 патници загинаа, а 12 се повредени денеска кога автобус се судри со автомобил и падна во провалија во северозападен Пакистан, соопшти полицијата. Ова е втора ваква тешка сообраќајна несреќа во земјава за помалку од една недела.
Автобусот патувал од Равалпинди до округот Гизер на север, а несреќата се случила во близина на селото Шатијал, 500 километри северно од Пешавар, главниот град на провинцијата Хајбер Пахтунхва, изјави претставник на локалната полиција.
Тој рече дека спасувачите ги пренеле загинатите и повредените во болница и дека дел од повредените се во критична состојба.
Минатиот петок 17 лица загинаа во верижен судар на патнички автобус и камион во тунел во областа Кохат во северозападен Пакистан. Уште една тешка несреќа се случи на 29 јануари во јужен Пакистан кога автобус удри во столб и падна од мост, при што загинаа 40 луѓе.
Ново на Сител
-
Се проверуваат условите за прием на пациентите од кочанската диксотека во штипската болница, за лекување во втора и трета фаза
-
Обвинителството ја запира истражната постапка против починатиот управител на Пулс
-
Пронајдена граната од Првата светска војна во куќа во Кочанско
-
Ѓорѓиевски: Со заедничка акција и соработка до системски решенија за спречување на поплави и шумски пожари
-
Потпишан меморандум за соработка со Словенија во областа на јавната администрација
-
Малолетнички се степале во Шуто Оризари, бабата на една од нив дошла и продолжила да ја тепа другата девојка
-
Двајца скопјани се степале во Кисела Вода, поради недоразбирање во сообраќајот
-
Кешишев прв пат дознал за таткото на Вања во притвор, Палевски најави над 90 прашања
