Осуди и реакции за нападот во Ница
Поранешната државна секретарка на САД и кандидат на демократите за претстојните претседателски избори Хилари Клинтон го осуди нападот во Ница во кој загинаа 84 лица, кога камион влета во толпа луѓе.
- Секој американски граѓанин е солидарен со народот на Франција и во еден глас велиме: нема да бидеме заплашени. Никогаш нема да дозволиме терористите да ги поткопаат демократските вредности и рамноправноста врз кои се заснова нашиот начин на живот. Овој кукавички напад само ја зајакнува нашата обврска кон нашите партнери од Алијансата и нашата заложба за победата врз тероризмот насекаде во светот, нагласи Клинтон.
Австралискиот министер за надворешни работи Џули Бишоп изјави дека ниту еден град, ниту една земја не е имун на терористички напади.
- Поради тоа австралиската Влада ќе стори се што е во нејзина моќ да ги заштити Австралијците како во нивната земја, така и во странство, додаде Бишоп.
Германската канцеларка Ангела Меркел вели учесниците на Азискиот-европски форум во Улан Батор се во шок поради нападот во Ница.
Таа додаде дека Германија стои зад Франција во борбата против тероризмот.
Јапонскиот премиер Шинѕо Абе го оквалификува нападот како „целосно неприфатлив" и „суров“, додавајќи дека Јапонија "ја изразува својата силна солидарност со Франција во ова тешко време"
Портпарол на Даунинг стрит соопшти дека се „шокирани и загрижени" поради нападот.
Рускиот премиер Дмитриј Медведев изрази сочувство за жртвите на нападот.
Во порака објавена на Твитер, тој наведе: "Испраќам најдлабоко сочувство до Франција, на сите оние кои се повредени и на семејствата на загинатите во монструозниот терористички напад во Франција".
Пред француската Амбасада во Москва утрово граѓани оставаат цвеќе и палат свеќи за жртвите во нападот во Ница.
Нападот се случи точно осум месеци по нападот во Париз во кој беа убиени 130 луѓе во ноември лани.
Ново на Сител
-
Без струја ќе останат дел од корисниците во општините Кисела Вода и Ѓорче Петров
-
Сиљановска-Давкова: Имаме должност да го сакаме, чуваме, развиваме и промовираме македонскиот јазик
-
Штрајк на Медицинскиот факултет во Белград, тензично пред Медицински во Ниш
-
Десет мртви и 70 повредени откако невреме преврте туристички чамци во Кина
-
Лидерот на турската опозиција, Озгур Озел, нападнат од поранешен затвореник кој ги убил своите две деца | ВИДЕО
-
Трамп: Нема да ги укинам царините за Кина за да го доведам Пекинг на преговарачка маса
-
Американски бискуп бара Трамп да се извини што се прикажа како папа
-
Чествување на Денот на македонскиот јазик и 80-годишнината од кодификацијата на македонскиот стандарден јазик